Bangladesh ne Wednesday ko dawa kiya ke India ne pichle ek mahine mein 1,270 se zyada logon ko zabardasti unki sarhad par dhakel diya hai. In mein zyadatar Bangladeshi citizens shamil hain, lekin kuch Indian nationals aur Rohingya refugees bhi maujood hain.
Read More : Bangladesh Confirmed for Pakistan Tour After Dubai Talks
Border Guard Bangladesh (BGB) ke mutabiq, 7 May se le kar 3 June ke darmiyan 1,272 afraad ko 19 mukhtalif bordering districts ke zariye Bangladesh mein dhakela gaya. “Sirf kal ke din hi 50 logon ko push back kiya gaya,” BGB officials ne bataya.
Bangladesh ki hukumat ka kehna hai ke yeh sab kuch India ke Hindu nationalist government ke under ho raha hai jo undocumented immigrants ko “Muslim infiltrators” keh kar unhen security threat samajhti hai.
India ne abhi tak in allegations par koi official comment nahi diya hai.
Ek 21 saal ka Bangladeshi shanakht shuda shaks, Jahidul Molla, ne kaha ke wo Gujarat ke western state mein 14 saal ki umar se reh raha tha lekin ab usay wapas dhakel diya gaya hai.
Dono mulkon ke darmiyan ta’alluqaat us waqt se thande hain jab Bangladesh mein aik uprising ne peechli hukumat ko hata diya tha.
