Har saal ki tarah is baar bhi Hajj ke dauran millions of log Makkah mein ikattha ho rahe hain — lekin is dafa security aur crowd management mein technology ne zabardast role play kiya hai. Saudi officials ne AI (Artificial Intelligence), drones, aur 15,000 se zyada surveillance cameras ka use kiya hai to ensure ke 1.4 million pilgrims safe aur smoothly apni ibadat complete kar sakein.
Read More : Iran Downs Drones Over Isfahan, Denies Missile Attack
AI-powered cameras abnormal crowd movement detect karti hain aur bottlenecks predict kar leti hain — jo ke kisi bhi stampede ya dangerous situation ko avoid karne ke liye bohat important hai.
20,000 se zyada buses bhi AI systems ki madad se monitor aur guide ki ja rahi hain, taake log safe tareeqay se Arafat aur Mina jaa saken. General Transport Centre ke CEO, Mohamed Nazier ne bataya ke in cameras ke AI layers logon ki movement aur behavior ko analyze karte hain.
Control room Makkah mein set hai jahan 24/7 staff crowd monitoring, heat exposure control aur road safety ensure kar raha hai. Har route, road aur hillside per robotic cameras lage hue hain jo poore Hajj route ko monitor karte hain — especially between Makkah and Mount Arafat.
Yeh sab kuch is liye kiya ja raha hai taake 2015 wali tragedy — jab 2,300 log stampede mein shaheed ho gaye thay — dobara na ho. Saudi Arabia ka kehna hai ke woh Hajj ko duniya ka sabse secure aur well-managed event banane ka goal rakhte hain.
